Unha viaxe a Marte é un proxecto de Mark Zlick. Unha viaxe imaxinaria a un territorio ignoto na compaña dunha tripulación de exploradores que, dalgún xeito, participan na expedición. Entre eles Simone Maestra, Marta Durigon, Cesar L Seoane, Sol Mariño e Amaya Roldán.

Partindo do territorio mostrado nas fotografías da parede, a exposición se completa cos viaxeiros voluntarios engadidos o mesmo día da presentación a través da toma dos seus retratos, cunha cámara de gran formato e película instantánea. É un proxecto vivo, performativo e colaborativo onde a autoría é colectiva e a forma final da mostra será conformada entre viaxeiros e tripulantes na xornada de apertura.