Por quinto ano consecutivo, a Fundación Luis Seoane, espazo cultural de referencia no corazón da Cidade Vella coruñesa, é a sede central do festival, convertida entre o 10 de novembro e o 31 de decembro de 2023 nun laboratorio creativo e de experimentación en torno á fotografía.

A meirande enerxía de FFoco radica precisamente na confluenza nun mesmo tempo e lugar de autoras e autores, fotógrafas e fotógrafos profesionais e amadores, veciñanza e público en xeral, de forma que entre eles xurda o diálogo, o intercambio de experiencias e o debate e a reflexión en torno aos novos usos fotográficos.