En 2018, levar unha cámara na man permítelle a Adra Pallón entrar na realidade de Joaquín, un home que vive da recuperación de obxectos que outros desbotan. Coñecer o mundo íntimo de Joaquín supón para Pallón o punto de partida do seu proxecto Xeración Perdida.

Logo de cinco anos fotografando, o autor cuestiónase a utilidade da fotografía, así como da imaxe en si mesma. O proxecto explora a contradición baseada na confianza daqueles que lle abriron as súas portas ao autor e son a día de hoxe os seus amigos. Durante cinco anos creou un vínculo coas persoas que retrataba mentres o seu pensamento inundábase das seguintes cuestións: Para que valen as imaxes? Que valor lles damos a estas? Que sentido ten fotografiar e ser fotografiado? Dominanos ao non posuír coñecementos sobre a gramática da imaxe? Que problemas éticos e morais implica realizar fotografías? Como usan as imaxes os medios tradicionais para redireccionar os discursos? En difinitiva, a fotografía xera reflexión ou nos somete?

Todas estas cuestións trataranse paralelamente á visualización do traballo de Pallón e a proxección do corto documental Imaxe sen distancia, de Paula Quiroga, no que a cineasta investiga a través dunha filmación a relación entre Joaquín e Adra.