Exercicis per imaginar un volcà (Exercicios para imaxinar un volcán), da fotógrafa Lara Amat, é un caderno de campo que recolle unha serie de accións no territorio, onde se tenta documentar fotográficamente os restos dun volcán desaparecido na Garrotxa (Catalunya). Un acto fotográfico e poético para aproximarnos fisicamente ao que non percibimos. A publicación deriva do formato expositivo catalogando cada exercicio de forma metódica e experimental.