Vida en el Puente Pasaje
Daniel Vieito
«Pobreza, frío, desestructuras, tristeza e rabia foron as miñas primeiras sensacións. A miña búsqueda: a intimidade. Necesitaba poder ser aceptado para entender a forma de vida no poboado. Chegar onde a pobreza convírtese en riqueza da vida; o frío tórnase en candelas; as desestructuras vólvense fogares; a tristeza en ledicia e a rabia en amor. Vida en el Puente Pasaje trata da búsqueda da humanidade; da capacidade de superación e adaptación do ser humano ante as dificultades; da intimidade dentro dun lugar que, dende fóra e nas nosas primeiras impresións, non chegamos a acadar».
Daniel Vieito. Outubro de 2019
Daniel Vieito
Daniel Vieito é un fotógrafo nado en Compostela e residente na Coruña. Dende moi novo visita París, cidade que desperta nel o seu interese pola fotografía e a arte. No ano 2003 comeza a formarse na madrileña escola Efti, onde completa o Máster en Concepto e Creación.
Tras participar na súa primeira exposición colectiva na Galería Cero, enmarcada en PHotoEspaña, no ano 2019 publica o seu primeiro libro “Vida en el Puente Pasaje”. Na actualidade continúa coas súas investigacións e proxectos fotográficos dende o seu estudio na Coruña.
