Fotografía: a inclusión ao alcance da man
Presentación de Nos, Why Not? Fotografía inclusiva con enfoque profesional
Nos, Why Not? | Felipe Alonso
A fotografía, cun espíritu profesional, é unha ferramenta magnífica para a inclusión das persoas con diversidade funcional, especialmente de desenvolvemento. Ofrece numerosas ventaxas terapéuticas, como a potenciación da súa creatividade, pero o máis importante é que lles achega á felicidade.
Nos, Why Not?, primeira axencia española -e do mundo- de fotógrafos con diversidade, ven de organizar en colaboración coa Fundación María José Jove o «Obradoiro de Fotografía inclusiva con espírito profesional» para facilitar a inclusión social e laboral da mozas e mozos con diversidade funcional a través da fotografía… Unha inclusión ao alcance da man.
Felipe Alonso, responsable do proxecto, presentou as liñas de actuación desta iniciativa pioneira.
Colabora:
Nos, Why Not?
Nos, Why Not? é unha axencia de fotografía que naceu en Oleiros no ano 2013. Realiza todo tipo de traballos e encargos fotográficos e xa ten proxección internacional con colaboradores en Madrid, Barcelona ou Buenos Aires. A súa particularidade é que se trata da primeira axencia de España e do mundo composta por fotógrafos con discapacidade intelectual.
Felipe Alonso
O fotoxornalista barcelonés Felipe Alonso é o responsable deste proxecto sen ánimo de lucro e a prol da integración social e laboral. Nesta iniciativa pioneira, Alonso imparte obradoiros a persoas con diversidade que, tras esta etapa de formación, poden integrarse no equipo de traballo da axencia.
