Noite de proxeccións

Na sexta edición de FFoco, recuperamos o espírito orixinal do Festival e a nosa mítica noite de proxeccións ao aire libre. Unha ocasión única de extraer a fotografía dos espazos acotados para a súa exhibición e achegar a novos públicos traballos de recente creación, con especial atención aos desenvolvidos por autoras e autores locais.

Así, unha boa parte das propostas fotográficas que se exhiben no interior da Fundación Luis Seoane terán unha extensión en formato audiovisual, proxectadas sobre pantalla, nunha noite relevante, pero efémera.