Naturaleza Muerta cuestiona a apropiación e a representación que se fai -en moitas ocasións cun uso perverso- da fauna salvaxe e de certas especies animais en extinción hoxe en día. A nosa sociedade contemporánea produce unha infinidade de obxectos que recrean a Natureza prometendo, -a cambio do seu consumo-, unha idea equivocada sobre o seu respecto e protección, cando en realidade, esa produción masiva de residuos xera un gran impacto negativo sobre o medio ambiente.

O proxecto funciona como un rexistro masivo deste tipo de imaxes domesticadas e irreais, de cartón pedra ou plástico, que traspasan os límites da Natureza real, para propoñer unha reflexión crítica sobre a nosa sociedade de consumo e sobre a nosa falta de respecto á contorna que nos rodea.

Coa colaboración de Diana Vilera e a plataforma PARAVERTEMEJOR