Mariña amosa un lugar atemporal onde permanece unha esencia primitiva, unha comarca que concibe o elemento mariño como un espazo sagrado. O obxectivo primordial do proxecto é crear un ensaio fotográfico que interprete o territorio e os seus lindes como un estado de ánimo. Cemiterios, fábricas en desuso e outras arquitecturas forman parte dunha paisaxe carente de persoas, convertendo os propios elementos en protagonistas da escena.

Hoodoolab é un proxecto fotográfico con sede en Barcelona formado por Kathleen Day (Edmonton, O Canadá) e Fran López Riopedre (Burela, Lugo). Dende a súa plataforma reivindican o analóxico como forma de expresión contemporánea fronte ao monopolio dixital.