Lousas

Dacabalo entre o belo e o anello, o gris e o minguado, na comarca de Valdeorras todo é, segundo a autora, hermosamente discordante. Porque a lousa entregoulle todo a este territorio, pero foillo arrebatando co devir das últimas décadas, xerando así paisaxes abatidas como unha alegoría lunar. Hoxe día é o maior produtor e exportador de lousa do mundo e este mineral constitúe o motor de vida da zona; con todo, é tamén símbolo de contaminación e discrepancia; con decenas de vidas entregadas á terra.

Neste ensaio fotográfico, mestúrase o frenesí mineiro coa calma da néboa desta terra máxica. A escuridade metafísica das profundidades da mina, e a cegadora luz dos focos que guían aos mineiros polas entrañas da terra. O asfixiante ruído que percorre o interior das naves, e o traballo anónimo de labradores e embaladoras que manexan infinitas Lousas en impasible silencio.