Fugazi
Iván Nespereira
– «FUGAZI é unha palabra que atopei nun libro sobre Vietnam, significa simplemente que unha situación é un desastre. Pensei que era unha palabra fermosa que en realidade está aberta a múltiples interpretacións». Ian MacKaye, Instrument ( Jem Cohen 1999).
– FUGAZI é unha palabra que en xerga de rúa significa que algo é falso ou está dañado sen posibilidade de reparación.
– FUGAZI é o nome da banda favorita de Iván Nespereira.
– FUGAZI é parte de 30122, un proxecto fotográfico sobre Galicia a modo de tríloxía do que tamén forman parte ENTIDADE SINGULAR e CACIQUE, no que Iván Nespereira leva traballando dende 2006.
Iván Nespereira
Iván Nespereira traballa como fotógrafo e realizador freelance no ámbito da publicidade dende 2002. Inviste tempo en desenvolver proxectos documentais a longo prazo, que parten da investigación e onde a fotografía e o vídeo son as principais ferramentas que utiliza. En 2017 autoedita Nueva Galicia, un traballo que explora a pegada da migración e o ‘boom’ do caucho no Amazonas. A súa obra foi proxectada en festivais de cinema como Curtocircuíto, OUFF, PlayDoc e Bogoshorts. Ten exposto no Arquivo Municipal de Lisboa, Fiebre Photobook, Dispara, Fotomuseo Catro Camiños, PHotoEspaña, Athens Photo Festival e La Nautilus. En 2018 recibe o premio PHotoEspaña ao mellar libro autoeditado. Colaborou con cineastas como Pela del Álamo ( N-VI), Vicente Vázquez | Usue Arrieta (Canedo, ANAZAOP) e Óliver Laxe (París#1). Actualmente traballa en 30122, proxecto que realiza unha cartografía de Galicia a partir de fotografías.
