Andrea Ratto (Xénova, Italia, 1976) é fotógrafo que vive na Coruña desde 2005.

Comezou a fotografar cando era un neno. A cámara acompañouno en viaxes por todo o mundo e, nos últimos anos, sentiuse atraído pola fotografía de rúa e documental. En 2017 percorreu as rúas de 26 países europeos coa súa cámara nunha viaxe totalmente independente. No 2018 completou un crowdfunding na plataforma Kickstarter para recadar fondos co fin de publicar o fotolibro resultante deste proxecto, titulado Europa, que expuxo en Turín, Italia, un ano despois.

En xaneiro de 2020 publicou o fotolibro / fanzine Lavapiés e presentouno nunha exposición na Coruña, no Atelier de fotografía.