A exposición O Desengano, unha revisión sen xenealoxía nin nostalxia en torno á memoria visual do Prestige, chega acompañada do fotolibro do mesmo título, editado polo selo Alauda Negra. Un proxecto “viscoso”, en definición do propio autor, impreso en tinta branca sobre papel negro.

Segundo o editor, Xosé Lois Gutiérrez Faílde, con O Desengano recupérase «unha reportaxe orixinal, realizada en decembro do 2002, pero reactualizada e revivida hoxe, cunha nova mirada».

Ambos os dous resposables do proxecto, autor e editor, abordarán neste encontro co público o proceso creativo que deu lugar á publicación de O Desengano, do que se editaron 250 exemplares.