Kundas, de Embajadores a La Cañada
Óscar París
«Este traballo pertence a unha serie de reportaxes que realizo nos poboados xitanos dende 1987. Nesta ocasión trato de amosar unha maneira de viaxar ao inframundo a través dunha serie de personaxes que transitan o día a día do camiño da droga, outra forma de viaxar ao inferno».
Óscar París
Óscar París é fotoxornalista autodidacta. Comezou a súa traxectoria no diario La Voz de Galicia como aprendiz de laboratorio e, xa como reporteiro, traballou na Axencia EFE, Diario 16 e o diario El País, onde desenvolveu a meirande parte da súa vida profesional.
Na actualidade traballa como freelancer e centra a súa producción en reportaxes de contido social, con especial atención aos colectivos máis desfavorecidos.
