Tito Caula foi un prolífico fotógrafo de orixe arxentina. Nacido en 1926, estableceuse na cidade de Caracas a partir de 1960, cando se abría paso a puxante democracia venezolana. Como fotógrafo publicitario e documentalista de oficio, Caula desenvolveu un amplo corpo de traballo ao redor dos dinámicos desprazamentos da vida daquel entón.

A colección de El Registro Inagotable, pertencente ao Archivo Fotografía Urbana de Venezuela, dá conta dunha obra moi particular e diversa; un exercicio constante do autor, capaz de desprazarse cunha delicada soltura técnica e unha vehemente profundidade da mirada por unha vasta cantidade de xéneros: o reporterismo gráfico, os encargos institucionais, os proxectos privados, o documentalismo e, moi especialmente, os territorios pouco estudados da fotografía publicitaria.

Esta selección, preparada especialmente para o Festival de Fotografía da Coruña, é un achegamento ao seu orixinal traballo publicitario, no que tomamos a súa experiencia en El Estudio fotográfico, onde logra construír unha mirada sumamente persoal. Caula aborda o espazo urbano coma se fose o seu estudo e constrúe imaxes efectivas para a publicidade onde sempre incorpora a mirada irónica do autor.

Texto: Lucía Jiménez e Vasco Szinetar