Coincidindo coa celebración de FFOCO, a asociación Seven Concepts Photowalk organiza unha andaina fotográfica polas rúas da cidade, para descrubir A Coruña con outros ollos e reflectir en imaxes os 7 retos que plantexarán o sábado 7 pola mañá e que cada participante deberá afrontar ao longo da xornada.
Unha exposición como O piano pola xanela, que fará historia na cidade, ben merece ser contada polos seus propios autores, pai e fillo, que desvelarán todos os secretos que se agochan tras esta crónica visual do Papagayo.
Conversa moderada por Manolo Rodriguez García, toda unha institución do xornalismo local. Membro na actualidade da xunta directiva da Asociación de Prensa de A Coruña, formou parte da primeira promoción da Facultade de Xornalismos da USC. Entre 1995 e 2018 non hai persoa, rúa ou actividade destacada da cidade da que non dera conta Rodri García nas páxinas de La Voz de Galicia.
Co fin de coñecer mellor o traballo dun dos grandes referentes da fotografía latinoamericana, FFoco proxecta dúas pezas documentais sobre a vida e obra de Paolo Gasparini:
A continuación, conversaremos co autor a través da plataforma Zoom, para profundizar de primeira man na traxectoria de quen foi discípulo do mítico Paul Strand.
Paolo Gasparini (1934, Gorizia, Italia) formouse como fotógrafo inmerso no neorrealismo italián, nos anos 50 do século pasado. En 1955 instalouse en Venezuela, onde comeza a súa andaina profesional na fotografía de arquitectura ao tempo que realiza reportaxes urbanas empregando unha linguaxe realista influenciada por Paul Strand, William Klein o Robert Frank. Como fotógrafo comprometido socialmente, Gasparini publica diversos proxectos en formato fotolibro, que compaxina a partir dos anos 80 coa realización de fotomurais e proxeccións audiovisuais.
Paolo Gasparini é un dos principais fotógrafos do noso tempo. Presenta os seus traballos en forma de proxeccións audiovisuais, fotolibros e fotomurales. Todos eles son montaxes fotográficos, conxuntos de imaxes nos que os significados se multiplican pola relación entre as partes. Gasparini utiliza estes procedementos durante toda a súa carreira, que comezou en Italia nos anos cinconta do século pasado e continúa en Latinoamérica ata a actualidade, en continuas viaxes de ida e volta.
Orixinario do norte de Italia, Paolo Gasparini mudouse a Venezuela á idade de vinte anos e a súa extensa traxectoria está influenciada polo neorrealismo e polo traballo de Paul Strand, de quen foi discípulo. A fotografía urbana é un dos seus intereses principais e así expresouno en multitude de esceas captadas nas rúas de Caracas, Cidade de México, Sao Paulo e Los Angeles.
Ademais é autor dalgúns fotolibros extraordinarios, como Para verte mejor América Latina, considerado unha obra mestra, un traballo sobre «bos e malos» (Cuba e Estados Unidos) co que intenta cambiar «este maltratado e contaminado mundo». En todos os seus proxectos posteriores continuou aplicando a súa norma de «actuar sobre a realidade» para ver, pensar e resistir.
A súa fotografía documental, enfocada a amosar a diversidade da sociedade latinoamericana, constitúe así unha obra única que recopila a historia visual do continente a as súas profundas contradicións. En 1993 obtivo o Premio Nacional de Fotografía de Venezuela.
O fotolibro labrouse hoxe en día un lugar propio tanto no eido editorial como no eido expositivo, pero cada vez máis distanciado de ámbolos dous e convertido nun producto único das artes visuáis.
Libro, obra, edición, curaduría, narrativa, función, mercado e discurso de autor están contidos nun fotolibro, pero a presenza de todos estes elementos o fan diferente a unha exposición e ao seu catálogo. Tamén o diferencian dun libro de fotografías, álbum ou portafolio.
Neste obradoiro de dúas horas de duración abordaranse elementos conceptuáis e históricos do fotolibro, pero principalmente falarase do seu ecosistema, as etapas e os aspectos que o compoñen e a relación de cada unha das súas partes: autor, producción, edición, venta, concursos, ferias, festivais… Analizarase o proceso que se incia no momento da conceptualización do fotolibro e que remata -ou debe rematar- na evolución positiva da traxectoria do seu autor como artista visual, e non na conversión do fotógrafo en editor. O obradoiro estará impartido pola antropóloga, editora e especialista en fotografía Diana Vilera, impulsora do proxecto PARAVERTEMEJOR.
Diana Vilera é antropóloga, fotógrafa e editora. Cursou estudios de posgrao en Antropoloxía, Arte, Museoloxía e Xestión Cultural en Nova York e Madrid. Fixo a carreira de fotografía no Centro de Investigación e Estudios Fotográficos (CIEF) de Caracas e no International Center of Photography (ICP) de Nova York.
Logo de traballar durante dez anos no sector cultural público e outros vinte no eido da Responsabilidade Social Corporativa, no 2013 funda a Casa Editorial La Cueva, a cal recibiu diversos recoñecementos no seu país polo seu labor de divulgación de fotografía venezolana con edicións de calidade: La verdadera historia, de Paolo Gasparini, Primer Premio Libro de Fotografía 2016 (Venezuela) e finalista FOLA 2017 (Argentina); Fotografía Impresa en Venezuela, de Sagrario Berti, Mención especial Aperture – ParisPhoto2019 e incluido na lista de Mellores 20 libros de Fotografía El País_2019; Andata i Ritorno, de Paolo Gasparini, Finalista PHotoESPAÑA 2020.
No ano 2018, Diana Vilera instálase en Madrid e crea a plataforma PARAVERTEMEJOR, co obxectivo de divulgar a fotografía latinoamericana en España, proxecto que obtivo o Primeiro Premio ao Mellor Proxecto Cultural do Máster La Fábrica.
Dende a súa primiera edición, FFOCO acolle unha ffeira centrada na divulgación de fotolibros. Por mor das restricións, este ano a participación é limitada, pero contamos coa presenza de Dispara, o máis destacado proxecto galego especializado en fotografía. Unha oportunidade única para ver, tocar, consultar, descubrir e, sobre todo, mercar libros e unha boísima ocasión para conversar con Tono Arias, o seu impulsor.
Ademais, no marco desta ffeira lévanse a cabo presentacións de maquetas e fotolibros de recente publicación:
