Ardo, ardemos
Rosa Veiga
“Somos árbores, somos lume, alumeamos a nosa propia morte… Miranos arder.
Contades habitantes, accidentes de tráfico, mascotas, raios nas treboadas, pontes sobre o río, árbores prantados tralo lume, hectáreas abrasadas… quen conta as árbores queimadas? Os animais desafiuzados polo lume?
Nós somos árbores tamén”
Rosa Veiga
Rosa Veiga apunta coa súa cámara un dos desastres medioambientais que, verán, tras verán, asola Galicia: os incendios. Dende o fotoxornalismo, disciplina na que aínda hoxe impera a mirada masculina, a fotógrafa ourensana documenta algúns dos lumes que calcinaron máis de cincocentas hectáreas de monte galego entre os pasados meses de xuño e setembro.
Rosa Veiga
4NOV–11DEC
Fundación Luis Seoane Sala de proxeccións primeiro andar
Rosa Veiga
Rosa Veiga (Ourense, 1965) é fotógrafa e dende 1990 ten colaborado con varios xornais galegos, entre eles, Faro de Vigo (edición de Ourense), O Correo Galego ou El Mundo de Galicia. Participou en exposicións colectivas como «Galicia en foco», «Oitolladas», «Ourense en pé de foto», «Golpes», «Xa é hora, fin de milenio», e tamén en exposicións individuais, como «Caderno de viaxe a Cuba» ou «A marcha da cor da terra» (marcha zapatista en México, 2001). Participa das causas humanitarias, o que a levou a fotografar en distintos lugares do mundo: Sáhara, Brasil, México… Organizou -xunto con Otis e Susana Gil- as tres edicións de «Ourense en pé de foto». Na actualidade é fotógrafa da axencia Europa Press en Ourense.
